For å læra den praktiske delen er det nestan ein forutsetning at utøvaren har vore gjennom instruksjon med pro(profesjonell golftrenar) eller ein erfaren spelar. "Sjølvlærte" golfspelarar har sjeldan suksess med å greie den praktiske prøven. Det blir stillt krav til lange slag, innspel, bunkerslag og putting, samt spel over minst fire hol på bana. Like viktig er det at den praktiske prøven skal visa om spelaren har tilstrekkjelege kunnskapar om reglar og etikette.

NGF anbefalar at alle nybyrjarar gjennomgår basis instruksjon med pro for å oppnå Grønt Kort. Pro skal vera medlem av PGA Norge - Professional Golf Association. Eit program omfattar vanligvis 10 leksjonar av tjuefem til tretti minutters utstrekning. Leksjonene omfatter grunnelementa i golfsvingen, repitisjon og videreføring av golfsvingen, repitisjon av golfsvingen med ulike køller, nærspel og putting, samt førebuing til praktisk prøve. Den totale tida med praktisk instruksjon og trening bør strekkje seg over fire til fem veker før spelaren tek den praktiske prøva.