Grønt kort er eit ferdigheitsbevis, og ofisiell legitimasjon i golfklubben. Kortet gjeld fyrst og fremst i eigen klubb. Der gjer kortet deg rett til å spele på heimebana til klubben, men det gjer ikkje automatisk rett til å spele på andre baner.

Grønt kort opplæringa er delt i ein teoretisk og praktisk del. Den teoretiske delen gjer nye golfspelarar innføring i etikette, reglar, sikkerheit og handicapsystemet. Den praktiske opplæringa skal sikre at nye golfspelarar har eit minimum ferdigheitsnivå før dei slepp laus på bana. Både den teoretiske og praktiske delen blir avslutta med prøve. Etter at speleprøven er bestått, og kandidaten har meldt seg inn i ein klubb tilslutta NGF kan det grøne kortet skrivast ut.

Grønt kort opplæringa skal sikre at nye golfspelarar har nødvendige ferdigheiter slik at

• alle oppnår størst mogeleg trivsel og glede
• spelet blir utøvd rettferdig og etter reglane
• spelehastigheiten blir heldt oppe (4h på 18 hol)
• det ikkje oppstår fare for omgjevnadane
• bane og anlegg ikkje blir skada
• kapasiteten på bana blir utnytta og så mange som mogeleg får spela

• søkje å leggje tilhøva til rette for at nye spelarar skal få realisert sitt ønskje om å spele golf, og at dette skjer innanfor målsetninga med grønt kort opplæringa
• halde teorikurs
• bidra til å gje nye spelarar tilbud om nødvendig praktisk opplæring
• gjennomføre prøvar til Grønt kort i henhold til NGF sine retningslinjer